E hecho aki a sosode den un ciudad chikito di Ain Sefra, na Argelia. Esaki tabata e di tres biaha den 40 aña cu e parti di e desierto Sahariano a keda tapa di blanco.
Esaki ta e di tres biaha den casi 40 aña cu e duinennan di santo cora den e ciudad desertico Argelino, Ain Sefra a keda tapa cu sneeuw.
E habitantenan a keda realmente sorprendi ora cu nan a spierta y a wak e sneeuw un biaha mas. El a keda henter dia diadomingo y a cuminsa smelt rond di 5 or di atardi,
Sneeuw a cuminsa cay den horanan trempan di diadomingo y el a keda ariba e santo.
E ciudad conoci como “E entrada pa desierto” a biba un episodio asina ey na 2016, ora cu un caida fuerte di sneeuw, despues di Pasco a provoca chaos den e rutanan y e acceso pa e ciudad.
Na Januari 2017, e duinennan a bolbe lanta blanco. Esunnan di mas chikito a probecha pa traha popchi di sneeuw.
Pero prome cu esaki, e ultimo biaha cu Ain Sefra a wak sneeuw tabata na Februari 1979.
Ain Sefra ta keda na casi mil meter di altura riba e nivel di lama y e ta rondona pa e ceronan di Atlas.
A pesar di su haltura, ta hopi straño pa wak sneeuw den e ciudad. Na Januari, e temperatura ta keda entre 6 y 12 grado C.