Internamente y externamente, Camara di Comercio di Aruba a logra hopi den 2017, nan a logra varios puntonan cu nan a pone nan den plan strategico, segun Sr. Ernst Mohammed ta elabora ariba esaki.
Nan a reuni cu varios instancia, tur partido politico durante aña. Nan a organisa dos debate y den nan concepto tur cos a bay segun plan. Y loke nan a haci ta duna Aruba un plataforma pa nan a vota na 22 September 2017. Tambe locual nan a logra ta un succesfull Business Plaza, unda cu nan a wak hopi entrepeneur nobo, y tambe esunnan cu kier a habri negoshi a duna nan informacion. E Business Plaza ta creciendo y nan ta den discusion fuerte pa wak kico nan ta bay haci pa cumpli cu tur hende toch. Y esey ta eigenlijk e succes cu nan tin y esey ta e mensahe tambe di Camara di Comercio. Aña pasa nan a enfoca ariba Young Entrepeneur, pero no a logra di cumpli cu tur nan metanan, ya cu nan tabata tin un schedule hopi yen. Pero nan a zorg pa Qcredits a bin Aruba, Camara a sinat cu banconan pa wak con lihe y facilita hendenan cu tin bon idea pero cu tiki recurso por haya un chance pa nan haci nan soño realidad. Esey 2018 nan lo concentra full ariba esaki, y nan lo zorg pa e young entrepeneurnan na Aruba por logra nan metanan. Loke nan a cuminsa aña pasa, ta e sistema di incubator. Nan lo sigui cu esaki den 2018 y ta trahando duro ariba esaki pa tin un incubator, pa esunnan di poco recurso pero via netwerk ta cumisna cu nan negoshi, pa despues di paar di aña nan bay ariba nan mes. Tambe Camara di Comercio tabata tin un Women in Business Tambe nan ta den discusion pa amplie door cu e evento tabata hopi popular ya cu hopi hende no por a asisti door di cu e luga ta limita.
Den 2018, segun Sr. Mohammed ta pa amplia Camara di Comercio. Lo tin varios proyecto, entre cual e prome conferencia di negoshi y tambe lo bay wak si por, trece un orador interesante. Locual cu nan a logra y ta logrando, pa nan ta bay ta 24 ora online. Ya cu no tin mester di para den rij mas. Y esey ta bay ta un logro grandi, pa locual Camara di Comercio a logra pa 2017. Esaki segun Sr. Ernst Mohammed, di Camara di Comercio.