Riba peticion di gezaghebber di Bonaire, mr. Edison Rijna, CZMCARIB ta brinda asistencia militar pa ruim op e Sargassum zeewier. Gran parti di tanto e bahia di Lac como Lagoon siman pasa a wordo inunda pa zeewier. Sargassum zeewier despues di tempo ta hole stinki y ta dañino tanto pa e ser humano como e medio ambiente. Cuarenta militar a yega Bonaire, tanto via e cutter di Warda Costa como via e Dash 8, e avion maritimo di patruya di Warda Costa.