Tin dunadonan ta complice di e ilegalidad cu ta tumando luga ariba nos isla. Tin bon dunadonan di trabao , pero tin tambe esunnan cu ta probecha y ta presta nan mes na esey, dus pa traha cu personanan ilegal. Sr. Hubert Dirks di FTA ta amplia mas ariba esaki.
Presidente di FTA, Sr. Hubert Dirks ta reitera un biaha mas, cu door cu door cu no tin control debido di e Departamento di Labor, automaticamente e fiesta ta sigui. FTA ta kere cu boetnan grandi mester wordo duna, pasobra cu si un hende no por comporta bon, pa loke ta su propio consenshi, e ora mester haya un boet. E dunado di trabao mester sinti e dolor un caminda, cu el a comete un eror, cu asina no tin manera di traha. Tin otro companianan cu si ta traha bon, cu ta cumpli cu ley,manera cu e mester ta, cu tin gastonan envolvi, pero tin otro nan cu no ta cumpli. E ora ta haya cu Departamento di Labor, su rol ta hopi importante akinan. Y niun hende sa ki dia e inspeccionnan di parti di Departamento di labor lo tuma luga manera mester ta. Ohala e situacion aki contribui cu e calidad di bida di e trahado, pasobra , pa ta sincero, e ilegal cu ta bin, pa traha, e tampoco, segun Sr. Dirks, den un forma legal e lo no acepta tur loke ta wordo haci cun’e. Mester purba na traha den forma mas corecto posibel. E trahado no por wordo perhudica, no solamente e ilegalnan, pero tin hopi violacion di ley cu e trahadonan legal mes ta bira victima di dje. Violacionnan di leynan laboral y hopi otro ley mas, unda cu dunado di trabao ta haci loke cu e kier, unda cu niun hende no ta bisa nada. E trahado tampoco, ya cu si e protesta e ta perde su trabao. No tin un departamento di inspeccion tampoco door cu no ta duna boet.
Pa combati ilegalidad ta cu si e dunado di trabao no por cumpli cu e trabao, den e caso aki e minsiter, cu kisas e no ta e culpabel, pero tin algun hende cu ta haciendo cosnan fout. Y e ora e ta conta mescos pa e comerciante cu ta comete ilegalidad. E tambe mester wordo coregi.
Si ta bin keho for di comunidad y esunnan concerni no ta haci e trabao, e departamento di gobierno cu no ta haci e trabao, un hende mester responde pa esaki. Ban spera cu esey pasa.
Por ultimo, Sr. Hubert Dirks a bisa cu nan a reuni na varios ocasion, a manda varios carta cu e puntonan di atencion pa gobienro, pa minister di labor y ta di spera cu pronto, cu no lo papia so, pero haci tambe. Basicamente, ta spera cu e preocupacionnan aki wordo scucha, pero si e ilegalidad ta sigui, e ora ta cuestion di hiba awa lama.