Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua riba veldnan na Pos Chikito. Den categoria Femenino AA e ekipo di Tanki Leendert Girls a sa di saca un victoria importante riba e muchanan di Rebels. Tanki Leendert Girls 6 careda, 6 hit, 3 eror. Rebels 2 careda, 4 hit, 2 eror. E hoben lansador Elianne Kock kende a wordo releva pa Mildred Kock den di 5 inning a bay cas cu e victoria. Zjaka Kock ta cubri henter e ruta pa Rebels y ta bay cas cu e derota. Miho bateadornan pa Tanki Leendert Girls ta Elianne Kock 2-1, Jelitza Ras y Franzine Flanegin ambos di 3-2. Pa Rebels a destaca na bate Renata Maduro di 3-2 y Shatienne Kock kende a bay di 1-1. Weganan ta continua diasabra awor 7pm na Pos Chikito ora Rebels vs Aruba Bank mientras pa 7pm riba riba veld number 1 den A-Klas Spuiters 2 vs Celebrities. Weganan di softball fast pitch den pleno desaroyo!!!!