TEL AVIV, Israel- Un tanki di e Forsanan di Defensa di Israel diasabra a lansa un atake di advertencia cerca di un puesto na frontera cu Siria, segun e corant Haaretz.
E accion ta bin despues cu e ehercito Sirio a construi un puesto den e zona desmilitarisa entre Siria y Israel. Segun varios medio, e proyectil a wordo lasna cerca di e region montañoso di Hermon den e Golan Heights.
Ehercito Israeli a denuncia cu e actividad militar pa parti di e Forsanan Sirio den e zona desmilitarisa ta viola e acuerdonan di e stop na tiramento.
Golan Heights ta un teritorio di 1.800 km² cu Siria ta considera parti di su pais, pero cu pa gran parti ta wordo controla door di Israel. Desde 1981, Tel Aviv a integra e region den e sistema administrativo di su Estado, decision cu a comunidad internacional no a reconoce.
Dia 11 di November, ehercito di e pais Hebreu a manda un misil den aire, cu ta di fabricacion Mericano, pa intercepta un vehiculo aereo no tripula cu a purba infiltra den e espacio aereo Israeli den e Golan Heights.
Fuente: https://actualidad.rt.com