Tampa Bay Rays den liga di AL East (American League East) tin e miho record den baseball na e momentonan aki cu un standing di 13-0. Por cierto desde opening day saki ta bira e “team to beat”. Hungando contra diferente ekiponan e/o Detroit Tigers, Washington Nationals, Oakland Athletics y Boston Red Sox. Awe 14 di April nan lo ta hungando contra di Toronto Blue Jays pa asina mira si nan ta mantene nan record di invicto y pone bira 14-0 of si nan lo cay venci y e lo bira 13-1. Varios hende cu wowo ariba e wega di awe pa mira ken lo sali ganado.
Tin cu menciona tambe cu Tampa Bay ta ganando e weganan aki despues di varios strobacion manera, diferente lesion, tambe deficitnan medio wega. E ekipo cu e record di invicto di mas largo den historia di MLB ta di New York Giants (San Francisco Giants) cu a logra yega 26 den aña 1916. Wega lo ranca sali pa 6:07 pm awe nochi.
