TAIPEI, Taiwan – Cientos di persona aw ordo evacua for di zuid di Taiwan, mientras cu e isla ta prepara pa e impacto di e tormenta di mas fuerte di aña.
E supertifon Meranti, ta dirigi pa Taiwan cu biento di te cu 370 kilometer pa ora y awasero fuerte.
Scol y oficinanan den henter zuid di e isla a wordo cera y decenas di buelo a wordo cancela, segun e agencia di noticia oficial di China.
Cuater persona a keda herida y mas di 70 mil cas ta sin coriente, segun Cruz Cora di Taiwan.
Cerca di 4000 militar y polis a wordo desplega den e region pa prepara posibel evacuacionnan futuro, aunke autoridadnan no ta spera dañonan grandi of destruccion.
Supertifon
Meranti a intensifica rapidamente dialuna y diamars, desde un tormenta ekivalente pa Categoria 1 pa uno di categoria 5 den solamente 24 ora.
Ta trata di e tifon mas fuerte desde cu e supertifon Haiyan, cu a devasta Filipinas na 2013 y ta e tormenta mas fuerte cu a acerca asina hopi na Taiwan desde 1959.
E tormenta ta acercando e extremo zuid di Taiwan. For di eynan, e ta move pa noordoost y pa China continental.
Taiwan ta hogar di aproximadamente 23 miyon di persona. Mayor parti di e poblacion ta biba na e parti nort y west di e isla, pero a pesar cu meranti lo pasa pa den e extremo zuid di Taiwan, pa ta un tormenta asina poderoso henter e isla lo sinti su rabia.
E camponan di biento cu forsa di tormenta tropical ta extende na mas di 560 kilometer di un extremo pa otro, hopi mas amplio cu e propio Taiwan.
Tormentanan na Taiwan
Taiwan, cu ta un blanco frecuente pa e poderoso tifonnan di Pacifico, tin un bon historial den limita e efectonan mortal. Pero ora cu e tormentanan ta bay pa e continente, cu frecuencia nan ta mas fatal. Un combinacion di terenonan plano propenso na su marehada y inundacionnan, un mayor poblacion y condicionnan di bida mas vulnerabel, cu frecuencia ta resulta den mayor number di morto y desplasado pa e tormentanan.
Esaki tabata e caso di un tormenta similar, e supertifon Nerpartak, cu a golpia den casi e mesun zona pa loke ta e pronostico cu Meranti lo biaha. Nepartak, cu a toca tera dia 8 di Juli, a causa por lo menos tres morto na Taiwan y a provoca caida di coriente pa casi mey miyon di persona, pero tabata hopi mas fatal ora cu el a yega na China continental.
A pesar di e debilitamento pa un tormenta tropical ora cu el a toca China continentl, Nepartak y su fuerte awaseronan asocia di te hasta 254 mm, causando morto di mas di 80 persona. Ta spera cu meranto ta mucho mas fuerte cu Nepartak ora cu e yega China, cu bientonan di alrededor di 185 km pa ora, loke ta un ekivalente na un horcan grandi categoria 3 den Atlantico.
Fuente: CNN en Español