TAIPEI, Taiwan- Como prome pais na Asia, Taiwan ta bira e prome pais den Asia pa legalisa matrimonio homosexual. E parlamento Taiwanes a aproba e ley aki cu 66 voto na fabor y 27 contra. Esaki ta haci tambe cu entrante otro siman parehanan di mesun sexo por drenta enlace matrimonio.
Na 2017 Corte Superior a dicta cu parehanan di mesun sexo mester por casa cu otro. El a duna gobierno ordo pa dentro di dos aña pa bin cu e ley aki. Y esaki a yega un siman prome cu e deadline di Corte Superior.
“Nos a dal un stap grandi den direccion di igualdad berdadero y a haci di Taiwan un miho pais”, tabata palabranan di e presidente di Taiwan, Tsai Ing-wen, riba twitter, despues di e votacion.