E dos competencianan US Taekwondo Open 2019 y clasificacion Panamericano Lima 2019 ta riba e programa pa e dos taekwondistanan elite di Aruba esta Monica Pimentel y Chiara Petrocchi. E atleta Chiara Petrocchi lo bringa den e categoria -49kg mientras nos atleta Olimpico, Monica Pimentel lo bringa den e categoria -57kg. Mester bisa cu ambos atleta a duna un presentacion aceptabel den e US Open unda Petrocchi a gana su prome pelea como adulto contra di Brazil pero despues ta perde contra ex-campeon di mundo di Serbia. Pa loke ta Monica Pimentel, Aruba su atleta Olimpico a start bon contra di USA caminda e la gana su prome pelea. Despues un biaha mas Monica a topa cu USA y aki Monica a sa di gana cu score di 7-5. Den e su di 3 combate, Monica a topa cu Zeliha Agris di Turkia kende den pasado tabata campeon mundial, aki Monica ta cay venci y ta keda afo di e torneo. Mester bisa cu por lo general Monica por ta satisfecho cu su prestacion, un pelea mas lo a nifica bringa pa medaya di Brons.
Stichting Sportsubsidie Aruba ta contento di por aporta y brinda e ayudo na e atletanan Monica Pimentel y Chiara Petrocchi pa nan participacion den e US Taekwondo Open Championship . Alabes ta felicita ambos atleta pa nan presentacion den e US Open.
Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.
Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.