Pa prome biaha Aruba tabata anfitrion di e competencia di Champs Team Challenge cu a wordo organisa pa e cadena internacional di ‘fastfood’ Taco Bell. E competencia aki por wordo compara cu e ‘World Cup di Fastfood’ cu a cuminsa na aña 2011 cu ekiponan for di Latino America y Caribe. Pa prome biaha e competencia aki a bai international cu ekiponan nan cualifica for di Reinonan Uni, Hapon, India, Costa Rica, Guatemala, El Salvador, Panama, India y Aruba.
Durante nan bishita na Aruba, Taco Bell a haci un donacion na Colegio Arubano pa asina contribui na educacion pa nos hobennan. E donacion aki a wordo entrega pa Fernando Claussen-General Manager Taco bell Latino America & Caribe y Juliska Harms- Taco Bell Aruba den presencia di Melissa Lora-President Taco Bell Internacional, Rich Pinnella- Vice President Taco Bell Internacional, Amanda Clark- General Manager Taco Bell Canada, JT Jin- General Manager Taco Bell Asia, Nick Dawson- General Manager UK & Europe y Ankush Tuli- General Manager India. Cu e donacion aki Taco bell ta aporta na e bienestar di nos hobennan di Aruba muy specialmente na nan educacion. Esaki ta den linea cu Taco Bell su meta pa aporta na nos comunidad.
E donacion a wordo ricibi door di e ekipo di maestro y maestranan cu ta tras di e Sociale Fonds na Colegio Aruba. Esaki ta un fundacion cu a wordo estableci na aña 2007 pa yuda studiantenan di Colegio Arubano cu menos recurso pa cu nan gastonan halto di estudio. Esaki tabata un iniciativa tuma door di e maestro y maestranan di Colegio Arubano pa asina garantisa e educacion di e studiantenan aki no wordo perhudica pa motibonan financiero. Colegio Arubano ta sumamente contento cu e aporte cu Taco Bell a haci na e fundacion aki.
Alabes, Taco Bell Aruba ta un gran ehempel den e area di sostenibilidad como e prome restaurant pafo di Merca y prome fastfood na Aruba cu ta draai riba solar panels.
Pa Aruba Tourism Authority y Aruba Convention Bureau ta un logro importante pa atrae gruponan incentivo na nos destinacion. Bishitantenan MICE ta yega Aruba den gruponan grandi cu mayoria di gastonan di biahe y acomodacion paga por adelanta y tambe sa haya tempo pa conoce mas di nos dushi isla, cu na mes momento ta stimula nan pa regresa Aruba den nan siguiente vacacion.