VENEZUELA – Dos ciudadano di 35 y 40 aña, a awordo sorprendi a bordo di un embarcacion tipo boto peñero den cual tabata carga cu kilonan di alimento cu presuntamente nan lo hiba pa Aruba evadiendo controlnan fiscal y Douaneronan corespondiente. E contrabando di extraccion a wordo sigura pa efectivonan adscrito na e Stacion di Vigilancia Costera Amuay.
Durante patruyahe Maritimo, e Castrensenan a logra e detencion di e dos personanan, den oranan di madruga di diabierna. E suhetonan a wordo intercepta den e sector El Pico de Villa marina, mientras cu tabata traslada nan den un boto di nomber “Marielvis Yoselin,” matricula Ammt2786, cu tres motor pafo di e boto, 40 macutu cu mil kilo di tomati, 500 kilo di pepino y cuater cava cu 150 kilo di keshi blanco, alimentonan cu lo wordo coordina pa e Oficina Regional di Sundde pa realisa e benta controla di e seccion aki.
Ta conoci cu e detenidonan ta residentenan di e poblado di Las Piedras, municipio Carirubana y miembro di e banda “Los Pokemon”, kendenan ta na orden di e Fiscal XXIII di e Ministerio Publico.
Fuente:.http://www.cactus24.com.ve/