Di un tremendo evento cu e tema “Aruba” dirigi bou guia, e presentador Addonsito Croes, Editor di Revista Kiniki.
Un combinacion di Arte, entre otro baile, a haci e opening cu un di su bunita baile Presenta door di Joy Dance by Monica, y un bunita cantica di nos cantante Infantil Jorzinho Shlipken.
Un anochi fenomenal, y elegante, dunando un bunita impresion di nos artistanan talentoso, studiantenan di arte plastico di Wall painting Aruba.
Sra. Sandra van der Linde cual ta un artista riba su mes, cu a cuminsa pinta na aña 2011 pa motibo di un soño, el a cuminsa di expande su talento y duna otro nan e bunita oportunidad di tambe siña pinta, tecnicanan avansa den un ambiente no competitivo.
Huradonan principal ku a scoge e ganadonan absoluto, tabata na persona di Sra. Stephany Tucci, for di Boston, Massachusetts, Educator, Grand Writer & Illustrator., y for di nos hermana Isla di Corsou, Papy Adriana, Artista, Maestro y Director Adrian’s Academy for Arts & Sciences Curacao.
E anochi aki por aprecia, e 4 diferente categoria, y e ganadonan absoluto pa cada categoria.
Categoria 4/6 aña di edad, Ryzon Geerman di 5 aña, cu su pintura di titula “Pirkichi”.
Categoria di 7/9 aña di edad, Aaron B. de Cuba cu di 9 aña. Cu su pintura titula “E Cas di Shon Ily”.
Categoria di 10/11 aña di edad. Ilvienne Franken, di 10 aña, cu su pintura titila “Cas stilo biew”.
Categoria di 12/13 aña di edad, a bay pa “Tiara Cheuz” di 13 aña, cu e pintura titula “KINIKINI”
Un Anochi inolvidabel den un ambiente unico pa e muchanan y nan familiar cu tur tabata ganado riba nan mes, como nan tur a haya bunita reconocimento di medaya y regalito cortesia di Wall painting Aruba, asina aki ta informa cu e lesnan lo ta cuminsando bek na Januari 2017.
Inscripcion lo ta habri for di Januari 2017 bek , pa mucha for di 4 aña te 13, tambe di 14 -17, y 18 up. Por comunica cu Sra. Sandra van der Linde, via facebook, of na number 6623222.