Cruz Cora tin un rol hopi grandi pa loke ta e ayudo na St. Maarten. Vocero di Cruz Cora, Indra Anthony-Pereira, a gradici den nomber di e organisacion ta gradici e doñonan di trabao pa aproba e vrijstelling di nan empleadonan pa nan por ta standby na e momento cu nan haya e yamada pa por bay yuda nos hermana isla St. Maarten. Te cu awor aki tin 17 persona riba standby, cual ta hopi bon.
Dialuna a manda tres voluntario caba y nan ta bezig ta yuda cu e bemanning di e shelternan actualmente.
Ta pidi tambe na full comunidad hopi pasenshi. E yamadanan cu ta drentando na Cruz Cora ta hopi. E comunicacion ta hopi limita y esey ta pone cu tur cos ta bayendo un tiki otro cu tur lo kier. Pa manda cos of tambe pa comunicacion ta hayando peticionnan pa pregunta di famia, di tur sorto di situacion cu claro, e personanan aki no tin contacto y esey ta hopi lamentabel. Awor aki ta wardando pa horcan Jose pasa, e ora cu tur cos, por cuminsa poco poco cana bek. E ora tur assessment lo bay wordo haci tambe. Pesey a manda voluntarionan capacita pa haci vulnerability assessment den e comunidad, pa wak kico ta loke di berdad ta suppose di ta mandando, loke ta realmente necesario.
Awor aki obviamente awa na prome luga y esey ta gradici comercio, ya cu nan ta aportando hopi bon cu esey, solamente ta pidi tur hende standby pasobra berdad falta pa haya e yamada di Marina Hulandes, na momento cu lo por manda material y vooral awa y cuminda.
Den e proximo dianan, lo keda informa tocante esaki pa comunidad por ta informa na e momento cu Cruz Cora por ricibi tur e material y productonan aki, cu por manda nan. Pero ta hopi importante pa warda fin di siman y pa wak kico e daño total ta, mirando cu e isla ta bay pasa door di algo atrobe. Mester haci un bon assessment y e ora por ta hopi mas miho prepara den kico ta manda. Keda pendiente den prensa, cual Cruz Cora lo keda informa di cada paso. Tambe Anthony-Pereira a menciona, e parti di logistica pa organisa un teleton nacional, lo rekeri algun dia, algun siman y tur esey ta den pipeline. Keda cu hopi positividad y cu lo bin bek cu tur e informacion aki na su momento, segun vocero di Cruz Cora, Indra Anthony-Pereira.