Aruba ta pasando den momentonan dificil y proximamente gobierno lo introduci un crisisheffing di 2.5 %, mientras cu instancianan ta pidi pa bin cu’n otro pilar economia. Minister di Economia, Sra. mr. Xiomara Maduro, ta amplia ariba esaki.
Segun e mandatario, tin un comision cu hunto cu departamento economico cu ya caba over di añanan tabata tin tur tipo di strobacion. Tin un polisa nobo cu ta sali den cual e ora pa facilita e inversion. Esaki ta den un E Investment portal, unda e negociante ta bay den un caminda online y eynan por pidi tur locual ta e vergunningnan cu tin mester y via esaki por sigui e parti akinan.
E instancianan concerni tambe ta traha mas miho cu otro tambe pa asina por facilita e manera pa haci negoshi. Pa locual ta inversionnan esey ta trece cun’e cu ta bay haci uzo di un facilitado internacional (facilitator) cu tin e trabao di asistencia tecnico. Esaki a keda palabra cu Netherlands Forest Investmen Agency na Hulanda.
Netherlands Forest Investment ta keda encarga pa duna ayudo tecnico riba esaki, cu ta bini pa haci un sondeo di pais Aruba di kico ta nos potencialnan y kico ta e inversionnan cu tin mester. Lo bay tin hopi inversionista pero cu no necesariamente e pais tin mester di nan.
P’esey awor aki ta bay trata cu e parti aki den un manera profesional y ya e reunionnan a cuminsa tuma luga riba esaki. Na Mei proximo ta bay tin un Economic Summit hunto cu Minister President, cu ta presidi e parti di innovacion, caminda cu ta bay haci uzo di locual ta yama incubator pa yuda esunnan cu tin e potencial cu negoshi pa logra esaki.
Tin movecionnan tumando luga hunto cu otro pa facilita esunnan cu kier haci negoshi na Aruba. Pero tambe pa por atrae e inversion cu tin mester na nos pais. E trabaonan den e cuadro aki, ta wordo haci. Na mei na momento cu tin e Summit, lo bin mas informacion. E comisionnan ta reuniondo cu tur e stakeholder, manera ATIA, KvK y notarisnan unda tambe tin un caminda mas amplio pa yuda agilisa tur e procesonan cu tin mester.
Den caso cu tin mester di terenonan tambe pa esaki por bay mas lihe pues e ta un conhunto di stakeholdernan pa por yega na caminda cu tin un polisa y un maneho dirigi na tur e inversionistanan pa haci esaki realidad, segun e mandatario di Economia, Sra. mr. Xiomara Ruiz- Maduro a declara.