Ta temporado di Kenepa Saborie pero cu cuidao

Ken no ta gusta saboria un dushi Kenepa. Awendia te hasta un cancion nos musico y
areglistanan local a produci den temporada di carnaval cu titula “Kenepa” Un fruta
masha popular y gusta pa mucha y hende grandi pero na mesun momento e por ta
peligroso tambe. Ta su temporada cu e mata ta duna fruta. Kisas awo cu awa ta
yobiendo den e ultimo simannan aki e mata por bai duna hopi mas fruta. Den caso
cubo tin matanan grandi, ta mas ainda lo bo cosecha. Un mata di Kenepa kisas no mester di mucho cuido. Esaki mas tanto ora un mata ta chikito claro e mester un bon cuido pa e por sigui desaroya den bon estado y sigur un mata sano. Mata di Kenepa por crese na un haltura di 25m. Blachinan poco largo cu por yega te na 12cm y un habchura di 5cm. Su fruta ta berde parti pafo cu un casca manera poco duro te cu moli tin biaha. Por haye tambe sea e casca ta fini y algun tin casca diki. Tin dinan ta di e forma rondo y tin biaha manera oval. Un diameter di entre 2-3cm. Na momento cubo habri esaki cual ta den forma di “morde habri’e y kibre. Asina bo ta yega na e fruta parti paden. Su colornan ta geel cambia pa color
manera oranje of color salmon cu e fruta rond di e simiya cu ta duro di color blanco.
Den caso cubo come hopi Kenepa eta hasi bo gargata manera dolor y bo lenga tambe.
E sabor por ta dushi y por ta hopi pa zuur tambe tin biaha. Un mata di Kenepa por bira
hopi grandi. Tene cuenta tambe debi na su grandura cu e por bira den transcurso di
añanan e por ta un problema. Ta consehabel pa no plante mucho serca di cas of di
muraya. Esaki por trece problema pabo den futuro. No por descarta cu e ta duna un bon sombra hopi bon pa un picknick of sinta un rato tuma poco aire fresco ta simplemnte perfecto. Awen dia cu den e tempo modern aki esnan cu tin e mata di Kenepa ta wordo
traha na juice tambe. Sigur un bebida hopi refrescante y sabroso. E mayoria ta come
fresco piki for di e mata. Hende grnadi y mucha ta encanta e Kenepa aki. Na momento
cubo sa di un mata di Kenepa cu ta dunando fruta tur hende ta rond di e mata pa por
alcansa y piki mas tanto Kenepa posibel. Semper nos ta conseha no laga muchanan pa
nan cuenta ta piki Kenepa. Muchanan por ta hungando rond comiendo Kenepa y e
mucha por “pega” cune. Den caso cu algo asina mester tuma lugar e mayor mester
actua hopi liher. Ta consehabel pa pone e mucha den bo scochi bocabou riba bo
piananden y cubo man parcialmente sera. Cubo plant’i man dale parti ariba den su
lomba pa e por saca e simiya di Kenepa cu a keda pega den su garganta. Pesey un
biaha mas nos ta hasi un apelacion pa no laga e muchanan so piki Kenepa, semper
esaki mester tuma lugar bou di supervision di mayornan. Den caso cubo ta desea un mata di Kenepa eta obtenibel aki na Santa Rosa of yama pa mas informacion 585-8102 of pasa personalmente cumpra esun dibo. “TEMPORADA DI KENEPA, SABORI’E PERO CU CUIDAO”

Comments

comments