LA PAZ, Bolivia – Aeronautica Civil di Bolivia a suspende di manera indefini e certificado di operador aereo di Lamia, e aerolinea di e vuelo accidente dialuna na Colombia.
Segun un comunicado di e organisacion, cu e resolucion, emiti dia 29 di November, ta suspende e “certificado di explorador di servicionan aereo” cual e compania tabata conta cun’e.
Vuelo LAMIA 2933 cu tabata bula di Santa Cruz pa Medellin, a cay dialuna anochi poco kilometer di e aeropuerto Jose Maria Cordova, lagando un saldo di 71 persona morto y 6 sobreviviente.
Segun grabacionnan difundi diaranson – un di nan testimonio di un copiloto di Avianca cu tabata bula cerca di e avion accidenta y otro cu e combersacion di e piloto cu un controlador aereo – e autoridadnan a señala cu lo mas probable ta cu e avion a keda sin combustibel.
E accidente ainda ta bao di investigacion.
Fuente: CNN en Español