Minister Presidente, sra. Evelyn Wever-Croes ta elabora tocante e situacion di costo di bida y si tin plannan pa un posibel aumento di salario minimo.
Segun sra. Wever-Croes, ainda no a cuminsa combersa cu gremionan tocante e tema di aumento di salario minimo. Actualmente ta haciendo un estudio pa cu esaki, pasobra si hisa salario minimo, e doño di trabou mester hisa e prijs di su producto of servicio tambe, cual lo haci e esfuerso di hisa salario minimo bay perdi. Ta mirando na un solucion tempral pa duna e reparatie toeslag mas halto na esunnan cu ta cobra bou di 2,500 florin. Esey ta un alternativa p’asina no tin mester di hisa salario minimo necesariamente.
Den e cambio di sistema di belasting tambe lo tuma esaki den consideracion, caminda lo bay percura pa bin cierto cambionan. Lo bay ofrece un compensacion na gremio comercial ora nan hisa salario minimo sin tin cu hisa prijs di producto of servicio