Pa e temporada aki semper ta normal cu por haya un concentracion mas o menos halto depende di e clima. Esaki por mira basta halto ora e ta sali for di Africa pero ora cu e drenta Caribe e ta baha den intensidad. Sr. Dave Barkmeyer, di Meteo Aruba cu e desaroyo.
Tin varios aspectonan cu comunidad mester tuma na cuenta caminda cu den e dianan aki tin mas biento entre otro. Esaki a wordo anuncia den e pronostico for di mas cu un siman caba, anto tin hopi stoof tambe y ta bay afecta mas e salud den e dianan aki.
Durante e epoca aki ta haya cu ora tin mas stof di Sahara por haya infeccionnan of problema respiratorio. Ta recomenda pa proteha di esaki anto semper mester keda alerta y scucha informacion di tempo na radio pa tene e informacion mas update posibel.
E prediccionnan cu a sali na April 2018 a mustra cu ta bin un temporada mas activo cu normal. Lo bay tin 14 tormenta tropical, 7 Horcan y 3 horcan mayor. Tin un 52% di chens cu e ta bay ta un tiki mas halto. Den añanan anterior cu tabata 42% di chens cu un di e horcannan aki lo mishi cu un di e islanan den Caribe, caminda cu tormenta Alberto a pasa caba na Merca prome cu un di Juni. Aruba mes no a sinti e consecuencia di Alberto.
Relaciona cu e reciente caso di erupcion di volcan Fuego na Guatemala, Sr. Barkmeyer a splica cu Aruba no ta sinti e efecto di e tipo di erupcionnan aki. Mas bien paisnan den vecindario por sinti esaki mas lihe.
Den añanan 1990, den caso di erupcion un nubia di shinishi ta yega cerca di e islanan A, B, C, pero toch no a mishi cu nan. Asina leu, declaracionnan di Sr. Dave Barkmeyer, di Meteo Aruba.