Trabao di Polis ta haci cu como defensor di ley tur dia Bo ta bin de contacto cu hopi hende cu consecuencia cu bo ta expone Bo mes na un risico di por contagia cu diferente tiponan di enfermedad cu tin riba caya. Ta masha normal cu den Cuerpo Policial tin control regularmente, den forma di diferente testnan den cooperacion cu DBZ (Dienst Besmettelijke Ziektes). Ta efectua e controlnan aki pa siguridad general di tur Polis y tambe pa cu nan famia.
Loke ta e parti cu a sali publica den medionan di comunicacion tocante cu varios Polis lo ta contagia cu “Tuberculosis” ta completamente eroneo. Loke si ta e caso ta cu durante testnan haci, a detecta un cantidad minimo di Polis cu tin cierto sintomanan di e enfermedad aki.
Claro cu mesora Mando Policial a percura pa nan por ricibi tratamento medico, manera ta usual, cerca nan dokter di cas.