EL CAIRO, Egipto – Corte di Egipto a anula diamars e sentencia di pena di morto dicta contra e presidente deroca Mohamed Mursi, contra e lider spiritual di e Hermandad Musulman, Mohammed Badie y mas di shen supuesto miembro di e grupo criminal aki, segun prensa estatal a informa.
Corte di Casacion a revoca e pena di morto sentencia na Mei di 2015 y a ordena un huicio nobo den un caso cu ta involucra un fuga masivo cu a sosoden mey mey di e caos cu a sosode na 2011 den e protestanan di e Primavera Arabe na Egipto.
Mursi a wordo acusa di colabora cu e grupo Islamista Palestion Hamas y e grupo Chiita Libanes Hezbola pa scapa di un prizon na Januari 2011 y facilita e huida di otro 20 mil detenidonan di varios persona den henter Egipto. Su huida a sosode mey mey di e Primavera Arabe cu a deroca e ex presidente Hosni Mubarak.
Previamente, otro tribunal lo a conden’e na Juni di 2015 na cadena perpetua pa cargonan di spionahe hunto cu otro 16 lider di e Hermandad Musulman.
Na Egipto, e cadena perpetua ta ekivale na 25 aña di prizon.
Mursi, kende a converti den e prome presidente democraticamente electo di Egipto na Juni 2012, a wordo baha pa un golpi militar respalda popularmente na Juli 2013. E Hermandad Musulman a wordo prohibi pa e Gobierno di Egipto despues di e salida di Mursi y a declara como un organisacion terorista, acusacion cu e grupo ta nenga.
Mursi ainda ta enfrenta penanan largo di prizon pa condena den otro casonan, pero esaki tabata su unico pena di morto.
Fuente: CNN en Español