ALICANTE, Spaña – Giardoa Civil Spaño a rescata dos ruman Suiso di 17 y 15 aña, cu tabata biba cautivo den e cas familiar di Catral, oost di e pais, desde mas di 7 aña, e instituto arma a informa diasabra. E adolescentenan tabata biba den nan mesun cas, sin bay scol, sin asistencia sanitario y totalmente aisla di sociedad, di manera cu e agentenan a detene nan mama, di 49 aña y su pareha di 30 aña, ambos di nacionalidad Suiso.
E pareha a wordo acusa pa “delitonan di mal trato den e ambito familiar pa loke ta e yiunan y detencion ilegal,” segun un comunicado di Guardia Civil.
E hecho a wordo descubri pasobra e yiu muhe mayor a pidi ayudo via email, den un descuido di e mama, na e fundacion Ayuda a Niños y Adolescentes en Riesgo (ANAR).
Parce cu e hobennan tabata reclui den e domicilio familiar desde cu nan a bin Spaña cu nan mama, na Maart 2009.
E mucha muhe cu a haci e denuncia, a splica cu su mama “no tabata laga nan bay scol y cu solamente e ruman mayor di e tresnan aki, cu awor ta mayor di edad y ta biba na Suisa cu nan tata biologico, a bay scol ora cu nan a yega Spaña, si ta bon solamente el a bay na 2009 y despues a laga scol.
Ambos menor, segun e comunicado, “tabata tin totalmente acceso prohibi na Internet y na cualkier clase di tecnologia y tampoco tabata tin acceso na telefon.”
E hoben a splica cu “e agresionnan tabata continuo, cu e tabata wordo golpia cu man, contra muraya of mueble y cu (e mama), tabata manda piedra of cualkier obheto cu e tabata tin na man na e momentonan e.”
E famia tabata cambia di cas cada ocho of nuebe luna y a logra biba a lo largo di shete aña den seis diferente cas den shete aña, tur den diferente pueblo di e provincia di Alicante. E dos rumannan a wordo ingresa den un prome momento den e Centro di Menor di Alicante. E yiu muhe mayor a wordo recogi ya pa su tata biologico, cu kende el a wordo traslada na Suiza, mientras cu e mucha a bolbe na e domicilio familiar cu bon bista di Autoridad Hudicial.
Fuente: NTN24