SANTA ELENA DE UAIREN, Venezuela – Despues cu presidente Nicolas Maduro ordena e ciere di frontera cu Colombia y ta adverti e refuerso di control na fronteranan Venezolano, varios portal informativo a reporta un supuesto blokeo fronteriso cu Brasil.
E principal paso fronteriso entre Venezuela y Brasil, cu ta uni e ciudad di Santa Elena de Uairen cu e municipio di Pacaraima, a wordo cera e mainta di diamars.
Segun e portal Globo (G1) di Brasil, e consul adhunto di e Consul di Venezuela na Roraima, Jose Martinez, lo a confirma e informacino aki, segun cual e ciere lo ta durante 72 ora.
Di su parti, Correo del Caroni a afirma e atardi aki cu presidente di Camara di Comercio di e municipio Gran Sabana, Gilmer Poma, a splica cu e paso lo bay wordo manteni habri y cu solamente ‘a reforsa controlnan di ingreso.”
Te na e momento no tin pronunciamento oficial riba e informacion aki anuncia den diverso medionan internacional.
Di e manera aki, diputado di e Asamblea Nacional, Americo De Grazia, a denuncia cu desde e fronteriso Santa Elena de Uairen, a reporta “e decomiso di placa en efectivo, sin laga constancia di esey. Atraco oficial di e regimen,” e parlamentario a skirbi riba su cuenta di Twitter.