MERIDA, Venezuela – Director di e hospital Universitario di Los Andes (HULA), Jose Angel Ferrer, a confirma diabierna e existencia di un caso sospechoso di difteria den e centro asistencial y a nenga un brote di e enfermedad aki.
Esaki ta conoci atrabes di un boletin di prebnsa di e hospital, cual ta referi cu den e centro di salud a tuma e medidanan corespondiente pa atende un caso sospechoso di difteria, presenta pa un pashent cual a wordo remiti desde e Hospital di El Vigia, ubica den e municipio Alberto Adriani di e estado.
Den e nota, Ferrer a nenga cu ta existi un brote di e enfermedad aki den e institucion, el a insisti na e colectividad en general pa no alarma, ya cu ta trata di un caso sospechoso, cual e pashent ya a wordo aisla y ta ricibiendo e tratamento necesario.
El a indica tambe cu pa loke ta e situacion a tuma e medidanan di siguridad pertinente pa e personal a cargo di atende e pashent.
Sin embargo, medico y trahadonan di e Hospital Universitario di Los Andes, kendenan a prefera anonimato, ta sigura cu diasabra ultio un mucha muhe a fayece, kende tabata padece di difteria y el a wordo referi desde e centro di asistencia di e ciudad di El Vigia.
Specialistanan di e hospital a recorda cu e principal modo di transmision di difteria ta pa via aerea, atrabes di druppel di saliva (scupi), pa e contacto cu un pashent of portador y den e caso di difteria cutanea, via contacto cu articulonan contamina cu e secrecion di personanan infecta.
Sintomanan di esnan cu tin e patologia ta keintura, amigdalitis agudo y e formacion di pseudomembrana den e garganta cu ta obstrui e vianan respiratorio.
Fuente: El Universal