ALEPPO, Siria – Mas di 80 persona a sufri di dificultadnan respiratorio grave den e ciudad Sirio di Aleppo tras otro atake kimico diamars den un bario controla pa rebeldenan, segun Defensa Civil di Siria, un grupo di rescatista Boluntario.
E Observatorio Sirio di Derechonan Humano, cu base na Reino Uni, tambe a informa di e atake, bisando cu fuentenan medico a acusa avionnan di guera di regimen di benda bomnan di bari “carga cu gas venenoso” riba e bario Sukkari.
Imagennan desgarador distribui pa Defensa Civil di Siria – tambe conoci como Helmnan Blanco – tabata mustra muchanan chikito y otro victimanan ta wordo traslada na e hospital improvisa di Basilea Aslan den e brasanan di e rescatistanan, buscando desesperadamente pa aire, ya cu nan tabata duna nan mascaranan di oxigeno.
Otro video di Aleppo Media Center, a mustra un homber casi sin bida den e mesun hospital, mientras mediconan tabata purba di manda oxigeno den su pulmonnan.
Tal escenanan ta birando demasiado familiar na Aleppo, ciudad parcialmente ocupa pa rebeldenan desde Juli di 2015. Forsanan di Gobierno a rondona parti di e ciudad controla pa e rebeldenan, iniciando un confrontacion cu a laga e residentenan sin suministronan basico di alimento, awa, combustibel y medicina, generando un crisis humanitario.
Un investigacion di ONU a duna di conoce na final di Augustus a haya cu tanto e regimen Sirio como e grupo terorista ISIS a uza armanan kimico na Siria.
Na final di Augustus, un helicopter a lansa dos bom di bari na Aleppo, matando varios persona, entre nan 11 mucha.
Fuente: CNN en Español