Den dos dia di reunion cu representantenan di sindicato FTA den sector horeca ta den reunion importante mirando asina hopi desaroyonan cu ta pasando den nos turismo, segun Sr. Hubert Dirks a splica.
Tin sector Horeca y FTA ta atendiendo cu tur e situacion interno di FTA, cu e ta atende cu su miembronan den e sector aki. Esaki ta encera atende keho di e trahado, negocia contracto colectivo. Informacion di shopstewardnan. Asina ta atende tur e problemanan. E comportacion di e compania frente e trahadonan.
Tambe FTA ta atende asuntonan cu e trahado su situacin laboral directo, e criminalidad, problema di hobenann, problema di cultura, siguridad. FTA ta haci esaki paso FTA mester cumpli mas pa trece e shopstewardnan den e organisacion pa conscientisa e forma y tuma mas responsabilidad den e organisacion. Asina e clase trahado ta bira miho representa y tin un calidad di bida miho representa no solamente den encuentronan tambe den e contractonan colectivo. E voz di e organisacion sindical ta bira mas fuerte.
Tin un desbalansa entre doño di trabou y trahado den sector horeca segun Sr. Dirks di FTA. Mester yega na uniformidad. E asunto di criminalidad ta un asunto hopi preocupante. Mester evita tension na pia di trabao. Si logra esaki, e productividad lo ta mas miho. FTA ta wak cu e problemanan cu ta resalta aworakinan ta hopi, e no ta cla ainda. E asunto den sector turistico, e industria turistico no ta di inversionista so. E ta di nos tur. Si tin trahado cu no ta contento, un camara of kokki cu ta produci cu e turista ta bin bek. Mester worry cu e calidad humano.
Tin masha problema cu por wordo resolvi cu e Arbowet, pero politiconan no kier introduci esaki. Ta keda cu e problema pa cu e industria turistico. FTA ta haci su parti, pero ta verwacht cu cada partner ta haci su parti.
