E proyecto di Watty Vos Boulevard ta den su fase final. E proyecto lo mester wordo finalisa pa augustus y tur loke ta resta mester wordo entrega pa fin di aña. Sr. Joao Soares, di Motta Engil, ta amplia.
Na e punto aki, tin un hala di trabou nan simultaneo tumando luga. Tin Watty Vos Boulevard y J.E. Irausquin Boulevard caminda trabounan ta tumando luga na mes momento.
Den e siguiente dianan, pa e pueblo ta na altura, e siguiente trabounan lo tuma luga, ta rotonde nr. 4 (Acero) lo wordo conclui diasabra y e plan ta pa siguiente siman pone e laag final di asfalt. E laag final di asfalt lo wordo haci den menos parti posibel. Es decir, ta purba di haci’e di manera continuo. Ya caba a caba cu rotonde 5, y lo sigui pa Watty Vos 1, cual ta esun di Kooyman.
Pa loke ta rotonde 3 (Paperclip rotonde Seroe Patrishi) ta compronde tur e stagnacion di trafico, pa cual a habri e rotonde temporalmente, pa yuda baha e stagnacion. Pero e trabou mester wordo haci. Pero ta cabando cu rotonde 4 (Acero) y e nr. 3 trabounan ta tumando luga. Tin personal trahando ariba e rotondenan, pero esaki ta acomoda e trafico.
Aworaki, ainda ta keda falta rotonde 8, cual ta Sun Plaza. Esaki lo wordo haci den 2 fase, tameb door di trafico. E ta un area principal, hopi propenso pa stagnacion. Pa minimalsia esaki, lo hacie den 2 fase. Lo cuminsa cu e banda drechi (Sun Plaza) y lo desvia e autonan pa e banda robes. Autonan lo pasa, pero na un velocidad mas abou.
Pa loke ta J.E. Irausquin Blv, ya caba e trabounan ta andando, cual ta for di Sun Plaza te cu Alhambra. Aki ta trahando rotonde 9, cual ya caba a cuminsa. Aworaki ya caba a acomoda un rotonde mas grandi y tur trafico ta funcionando, pero pa por conecta esaki cu Caya Punta Brabo, lo mester cera e banda aki, pa haci e conexion aki. Y pa haci e rotonde y e ultimo fase den un solo haci.
Esaki lo wordo haci diasabra y pa despues sigui cu e construccion di loke ta seccion JOI 2 cual ta Alhambra te cu Oceania.
Despues di esaki tin rotonde 10, cual lo cerando parcialmente pa cuminsa diabierna y rotonde 11 ta cla caba, cual ta esun di Oceania.
Aworaki ta uzando e side-lane pa pasa e auto y ta trahando ariba e baan paden, cual lo ta e unico cu lo tin trafico den futuro. Tambe den JOI banda di Costa Linda, lo tin e picknick area cual lo cuminsa diasabra. Pero esaki lo tin impacto ariba e trafico.
Na esun di Fermin’s Bar, tabata peticion pa haci cambionan aki riba y esaki actualmente esaki tambe a wordo habri pa funciona normalmente, mientras cu ta procesando e cambionan aki.
Motta ta purba di coopera cu DOW, pero mirando e infrastructura di Aruba, no tur ora esaki ta posibel. Joao Suares, di Motta ENgil cu e relato.
Ta trahando duro pa entrega e proyecto na Augustus, y pa esey ta pidiendo un poco mas di pasenshi. Ta purba pa e stroba e trafico lo menos posibel.
Ta compronde cu ta dificil pa visualisa e proyecto, ya cu tur hende ta custumbra di un solo ruta y no ta custuma cu cambionan. Pero esaki tin di haber cu varios cambio pareu na Aruba.
Loke mester haci ta pa entrega un producto di calidad y no por traha rotonde un pa un. Y lo trece un calidad di trabou. Motta tin comprension pa e situacion, pero ta pidi pueblo pa comprension tambe. Tambe pa respeta e borchinan y señalnan di trafico. E ta pa duna oportunidad pa traha mas lihe y caba cu e trabou lo mas lihe posibel.