Sr Rino Hermands di departamento di calamidad Aruba a splica cu e aña aki temporada di horcan lo bay ta basta activo pa e region Caribense, mirando e temperatura di awa y e proyeccion modelonan di computer y por a ripara cu dos a nace prome cu juni y esaki ta nifica cu e comportacion di e sistemanan tropical ta cambiando. Naturalesa ta haciendo su cambionan y ya ta bayendo pa di tres aña cu ta hayando sistema prome cu 1 Juni y den e modelonan cu a keda proyecta nos lo ta activo den Juli, Augustus y September ta esun halto, pero pa region caribense lo ta normal pa nos mira, debi cu ultimo aña hopi tropical y horcan a keda pariba di e region Caribense pa bay bek Atlantico. Sr Rino a menciona cu ta proyecta cu e islanan ABC, lo por wak sistemanan pasa, semper nos a conoce cu sistemanan ta pasa hopi nort di nos pero pa e aña aki si ta proyecta cu dos lo pasa den nos area y basa riba esaki maske nos ta den un crisis di corona y un awacero ta debi epidemia di sangura ta keda na nos pa cuida nos mes y no por depende riba departamentonan di Gobierno, pero e departamentonan aki ta e mes un team e ultimo aña y Gobierno ta prepara, ta falta e pueblo tin prepara su mes.
Nos maneho di horcan no a cambia y awor aki DOW ta preparando pa traha e plan di horcan pa e rooinan. Awor cu nos tin e camindanan nobo di cuatro banda lo bay mira e experencia di esaki y unda mas lo bay ta bou awa. Den un 2016 region di Palm Beach cu nunca un bay bou di awa y a bay e aña ey. Nos tin un sistemanan pa informa comunidad tanto via media y persona nan celular tambe.
Nos a haya aprobacion tambe di e speakernan pa instala full Aruba ta un fondo di union europeo y no tin garantia cu esaki lo yega Aruba prome cu e peak di horcan pero asina mes cu departamento di calamidad a traha riba e forma pa comunica cu comunidad y cu esaki lo transmiti y tur hende ta bay scucha. E no ta un alarma e lo ta un comunicacion di VOZ, cu potencianan di 3 Km.