Ta pronostica un maximo di 20 tormenta den temporada di horcan

E temporada di horcan den Atlantico no ta cuminsa oficialmente sino te aki shete dia, pero e prome señalnan ta mustra cu esaki lo por ta otro temporada hopi activo.

E Organisacion Nacional Oceanico y Atmosferico (NOAA) a saca su pronostico di horcannan di temporada den Atlantico diahuebs siman pasa.

E pronostico ta indica un total di 13 pa 20 tormenta cu nomber, 6 pa 10 horcan di cual 3 pa 5 horcan grandi (di categoria 3 of mas halto). Tur e categorianan aki ta riba e averahe di 14 tormenta cu nomber, shete horcan y tres horcan importante.

E temporada di horcan den Atlantico ta core for di prome di juni te cu 30 di november y NOAA ta solamente un di e tantisimo institucionnan academico, agencianan gubernamental y companianan di pronostico priva cu ta duna proyeccionnan di temporada.

Otro pronosticado hopi respeta ta Universidad Estatal di Colorado, cu tabata e prome entidad den emiti un pronostico tropical estacional. E expertonan a emiti un pronostico dia 8 di april indicando un total di 17 tormenta cu nomber, di cual ocho nan ta kere lo bira horcan.

Tin un calor considerabel na gran parti di Atlantico, unda cu e temperatura di superficie di lama ta di 1 pa 3 grado celsius mas cu normal pa luna di mei.

Esey ta importante pa sa pasobra e temperaturanan di superficie di lama ta un di e ingredientenan necesario pa duna bida na horcannan, pa cual tin sentido cu tin un co-relacion entre e temperaturanan ey y un temporada activo.

Otro factor importante ta e fenomeno di El Niño, of su ausencia. Ora cu El Niño t’ey, e ta baha e actividad di horcannan den Atlantico debi na entre otro cambio den velocidad y direccion di e biento cu ta evita e formacion di horcannan.

Un di e principal motibonan cu tin un temporada di un cantidad mas cu averahe ta e calor den Atlantico tropical, pero specialmente den Atlantico oost.

Centro di prediccion di Clima a anuncia cu La Niña oficialmente a yega su fin. Esaki ta importante pasobra La Niña y su contraparti el Niño tin impactonan significativo den e temporadanan tropical, tanto den e area di Atlantico como Pacifico.

Segun CPC, tin menos di 10% di posibilidad di tin condicionnan di El Niño na cualkier momento durante resto di e aña’ki.

Pa awo , e efecto calmante di El Niño den e temporada di horcan di Atlantico no ta parce probabel pa 2021.

Al menos un sistema tropical con nomber ya a forma den Atlantico, prome cu e echa inicial di prome di juni. E area di Pacifico tambe tabatin un inicio tempran, casi dos siman pasa e tormenta tropical Andres.

Andres a bira e tormenta tropical mas tempran cu a forma durante e era di satelitenan den Pacifico oost, superando Adrian na 2017, cu a forma dia 10 di mei.

Pa loke ta resto di temporada, NOAA tambe a pronostica cu e area di Pacifico oriental lo ta bastante activo cu un pronostico total di 12 pa 18 tormenta cu nomber, 5 pa 10 horcan y 2 pa 5 horcan importante.

Den area di Atlantico por a corda cu na 2020, e prome tormenta a haya su nomber (Arthur) dia 16 di mei, dos siman prome cu inicio di temporada.

Comments

comments