SANTA MARTA, Colombia – E prome hues di famia di Santa Marta, Diana Fernandez de Castro, a prohibi e salida di e exfutbolista Carlos “El Pibe” Valderrama Palacio, for di e pais, te ora cu garantisa e cumplimento di su obligacion alimentario cu su yiu Carlos Alberto Valderrama Ruge.
Segun e providencia di e husgado, a manda notificacion na Sijin y na e Oficina di Migracion Colombia pa e hugado reconoci no sali for di e pais den e medida caminda cu ta delanta e proceso ehecutivo di alimentonan den su contra.
E fayo a resulta faborabel na e peticion di e abogado William Rafael Granados, apoderado di e demandante Carlos Alberto Vaderrama Ruge.
Di su banda, abogado, Antonio Barrios Cantillo, representante di “El Pibe” Valderrama, mediante un memorial dirigi na e hues di famia, a solicita pa lanta e medida di restriccion di salida pa exterior di su cliente.
Di su banda, segun ta conoci, “El Pibe” Valderrama tambe a dirigi unr ekerimento na e husgado di e famia pa lanta na e medida debi na su compromisonan contractual pafo di e pais.
E husgado a establece e suma na 132 miyon di peso e suma di placa pa garantisa e cumplimento di e obligacion alimentario durante 2017 y 2018.
Fuente: RCN Noticias