Ta prohibi kitesurfing na Rodgers Beach

Diasabra ultimo patruya di San Nicolas mester a bay hala atencion di algun persona cu tabata Kitesurfing na Rodgers Beach. Tabatin miedo cu cualkier momento un accidente por a tuma luga.

E hecho aki a tuma luga rond di 10’or di manta.

Tabata pa suerte e patruya tabata pasando den e area di Sero Colorado ora cu na Rodgers Beach a mira algun persona ta practica Kitesurfing.

Nan a papia cu e homber di inicial L., kende a splica e polisnan cu e tabata cu algun turista y tabata preparando pa bay Kitesurfing. A papia cu ne y a resulta cu e tabata na altura cu ta prohibi a practica e deporte aki na Rodgers Beach. A inform’e di biaha cu nan mester stop inmediatamente, pasobra tin varios persona landando den e area y e ta un peligro pa nan. Esaki ta hustamente e motibo cu a pone un prohibicion pa practica e deporte aki.

E homber di inicial L. a mustra comprension y a bisa cu e lo bay train e hendenan tras di ex Nanki Country Club.

Comments

comments