Pa loke ta e Baseball Madness cu a wordo nenga un sponsorship di ATA, a puntra Sra. Ronella Croes, CEO di ATA si esaki lo ta posibel pa 2018. E ta splica mas ariba esaki.
ATA ta traha cu presupuesto tambe cu practicamente defini pa e aña aki y practicamente defini tambe pa otro aña tambe. Nan a entrega presupuesto pa 2018, dus e espacio pa maniobra ta limita. Pero no ta cera porta pa futuro combersacionnan. E ta algo pa evalua.
Pero Sra. Croes a tuma nota cu e evento aki ta planea pa e mesun dianan cu e Love Festival y esey ta un punto cu ATA a considera. Basicamente lo no ta factibel pa support dos evento grandi na e mesun momento. Dus esey tambe ta algo cu Sra. Croes a tuma nota di dje. Ta papia aki di mas di 350 mil florin, incluyendo ESPN. No ta algo cu por shift di un caminda pa otro. ATA tin un maximo di presupuesto pa loke ta sponsorship/eventonan y nan ta purba di mara nan mes na esey. Pasobra si bay duna aporte na hopi mas cosnan adicional, lo bo crea desbalance di loke a keda aproba.
A aproba cu 8% mas o menos di ATA su presupuesto ta bay na evento/sponsorhip, cual hopi di nan ta wordo delinea di adelanta. Ya cu ta cumisna cu e promocionnan di adelanta, segun Sra. Ronella Croes di ATA.
Ki importancia deporte tin pa ATA relaciona cu eventonan deportivo y con nos ta bay deal cu e tipo di eventonan aki pa futuro, pa cual Sra. Croes a splica cu nan tin comprension pa sentimentonan cu ta bin dilanti ora cu ATA tuma un decision.
ATA ta haci su esfuerzo pa yuda unda cu por, pero semper mester keda tambe den cuadro di loke ATA su responsabilidad ta. Por argument’e di diferente manera, wak’e di diferente manera. Pero Sra. Croes ta sinti cu ATA tin comprension, ta trata tur partido cu respet, pero ta spera cu tin respet tambe pa e decision cu ATA ta tuma.
Sigur e hecho cu un ATA Suis Generis su modelo financiero y conforme ley cu a wordo cambia na 2015, e hecho cu ATA por manda bek pa gobierno, locual cu a drenta adicional di loke a keda presupuesta y locual no ta wordo gasta na final di dia, ta trece cierto resultadonan. SI e resultado ta positivo, bo tin placa di mas, e placa aki ta bay bek gobierno.
E ora gobierno lo por tin e pregorativo pa por sigur aloca tipo di fondonan asina aki, pa e.o. Deporte of otro areanan cu ATA tambe ta sinti cu enberdad, tin comprension, cu sigur por tin diferente iniciativanan cu por haya e apoyo, segun Sra. Ronella Croes, CEO di ATA.