CARACAS, Venezuela – E movimiento sindical autonomo lo realisa na Juli un welga general na defensa di derechonan democtratico y laboral cu e Gobierno di Nicolas Maduro ta pretende di elimina cu e asamblea nacional constituyente. “Nos ta bay haci uzo di e welga, mecanismo consagra den e Constitucion y e convenionan di e Organisacion Internacional di Trabao OIT”, Marcela Maspero, dirigente di e Union Nacional de Trabajadores, a informa.
El a señala cu desde Mei a celebra mas di 300 asamblea di trahado pa organisa e paralisacion di actividad den henter e pais y durante 48 ora como respuesta na constante y reiterada violacion di e Gobierno di derechonan laboral y di siguridad social premira entre e articulonan 86 y 97 di e Carta Magna.
El a referi cu den e recien conclui Conferencia Internacional di Trabao, reuni na Geneve, Suisa, a comunica na OIT e decision di e trahadonan Venezolano di bay na e welga como rechaso na e ANC.
El a precisa cu prrome cu e welga, lo introduci ante inspectorianan di trabao di e pais, e pliegonan corespondiente den cumpliendo di e Ley Organico di Trabao.
“Articulo 97 di e Constitucion riba welga ta e forma con trahadonan ta aplica e articulo 350 di desobediencia,” Ivan Freites, directivo di e Federacion Unica de Trabajadores Petroleros de Venezuela a sigura. El a splica cu e accion ta involucra na tur e sectornan productivo y di servicio manera transporte, salud, electricidad, empresanan basico di Guyana, educacion, petroleo, comercio, industria di alimento, entre otro.
El a aclarea cu e welga ta un actividad propio di e trahadonan na defensa di e Carta Magna y e restitucion di e orden constitucional kibra pa e Gobierno di Maduro cu decisionnan ilegal di e Tribunal Supremo di Husticia y e convocatorio di e ANC tras di lomba di e poder originario: pueblo.
“Un Constitucion na medida lo caba cu e sindicatonan, contractonan colectivo y e derecho di welga atrabes di e corporativisacion di e relacionnan laboral caminda cu e estado ta impone salario di hamber manera na Cuba,” e a bisa.
El a recalca cu e trahadonan lo bay masivamente na e welga pasobra nan ta rabia cu un Gobierno cu a distrui.
Fuente: http://www.el-nacional.com