Un mutacion hopi contagioso di e SARS-Cov-2 coronavirus a wordo haya cual awor ta haci un total di 11 caso na Hulanda, despues cu a descubri 2 caso di e variante nobo di e virus aki na Amsterdam. Cinco di e casonan ta liga cu scol primario na Rotterdam, segun minister di salud Hugo de Jonge a bisa den un carta dirigi na parlamento dialuna.
Crisis team cu ta avisa gabinete Hulandes lo reuni diaranson pa discuti e situacion y brinda un guiansa na con pa trata e desaroyonan nobo. Ningun restriccion nobo a wordo menciona, pero a sigui subraya pa e publico mantene nan mes na reglanan stricto y limita bishita na cas di maximo dos persona, tambe durante celebracion di aña nobo.