BOGOTA, Colombia – E abogado Jorge Molano, hunto cu varios representante victima y organisacionnan di derechonan humano, a radica un denuncia penal contra e senador Alvaro Uribe y e congresistanan di e Centro Democratico pa fraude na sufraga y concierto pa delinqui. Di acuerdo cu e hurista, ta existi evidencia di e iregularidadnan cu a wordo realisa den e campaña pa e NO durante e referendum, lidera pa e senador Uribe y e bancada di e Centro Democratico pa loke ta Corte Supremo lo tin cu analisa e tipo di actuacionnan aki.
“E afirmacionnan haci pa e gerente di e campaña di e Centro Democratico, Juan Carlos Velez, cu tabata tin mentira pa loke ta e elector evidencia cu a existi un fraude. Adicionalmente Twitter a remiti cu senador Alvaro Uribe a yama na prudencia y na sconde e comunicacionnan den interior di e partido, cu ta permiti pa conclui cu e tabata conoce e maniobranan fraudulento, e hurista a afirma.
Tabata por lo menos 4 mil folio cu a wordo poni na conocemento di e Sala Penal di Corte Suprema di Husticia pa argumenta e denuncia aki caminda cu e ta adverti cu durante un luna tabata tin “un campaña sistematico di mentira, di engaño, tendiente na genera miedo y incertidumbre na e Colombianonan cu a logra cu finalmente lo hiba na e fraude cu a wordo cometi.”
Pa loke ta e situacion, Corte Supremo di Husticia lo evalua e argumentonan cu a wordo consigna dentro di e denuncia aki y lo determina su lo bay tin un luga pa realisa e yamamento na e indagatoria pa e hechonan aki na e congresistanan.
Fuente: RCN Noticias