CARACAS, Venezuela – E 40 personanan cu a wordo deteni door di a bati riba wya contra presidente Nicolas Maduro den e poblacion di Villa Hermosa, na Isla de Margarita, a wordo libera, segun Alfredo Romero, representante di Foro Penal Venezolano, a informa.
E personanan, mayoria habitante di e poblacion di Villa Hermosa, tabata deteni den e
Comando de la Guardia Nacional Bolivariana di Aeropuerto Santiago Mariño, na Porlamar. Durante e detencionnan, funcionarionan policial a confisca weyanan bashi y a ehecuta otro razzianan.
Aproximadamente pa 8’or di anochi di diabierna, bisiñanan di e sector Villa Rosa a rondona Maduro, kende tabata cana hunto cu efectivonan di Guardia Presidencial y escola pa bati weya contra dje y grita algun consigna manera “Fuera Maduro.” Durante e manifestacion, e presidente Venezolano a forceha cu algun persona.
Mesa di Unidad Democratico a convoca un batimento di weya nobo pa diasabra 8’or di anochi como apoyo di e pobladornan di Villa Rosa.
Fuente: NTN24