Diaranson durante un conferencia yama pa CUA cu ta Comerciante Uni Aruba, sr. Frans Ponson a duna di conoce rib’e topico di Taxistanan, tur taxista sa cuanto taxi ilegal tin awendia cu ta hiba hende trabou.
Por ehempel un anochi hopi hende ta consumi alcohol, ta promociona didi y mas, awendia cu bo baha na un bar pa bebe bo kier dal poco mas pero cu bo yama un taxista anochi pa hibabo cas bo no ta haya y ta tristo cu den temporada cu nos ta bibando ki bo no ta haya, y sin conta pa turista.
Mester haya un claridad pakico e ta malo cu no por core uber of taxi, y pa gobierno bo ta tenenan contento, debi cu tin control y placa ta drenta caha di gobierno, no ta compronde dicon ta contra pa bin cu algo asina moderno p’e pueblo. Ora a wak e protesta di e taxistanan cu tur nan derecho, tur gremio tin derecho di protesta y danki dios cu Aruba ta hopi democratico, ta lamenta cu awor cu sa cu turista ta nos industria number 1 y bo ta bay para esaki ta di lamenta pero cada ken sa con nan ta protesta.
Ora di wak e protesta di taxistanan nan ta Sali publicamente bisa pueblo cu nan tin mas cu 15 aña di retraso cu pago di belasting y pa Comerciante Uni a haci dolor y por compronde cu tin hopi eenmanzaak cu 80% di esaki registra na kvk si tin paga nan inkomstenbelasting y taxista a menciona cu ta culpa di Gobierno y CUA a yama DIMP y a reuni pa puntra si ta berdad, e ora miembronan di CUA tambe a bisa cu kier tin poco retraso di pago na belasting.
DIMP su contesta ta cu nunca nan a tende di e topico cu ta problema di paga e inkomstenbelasting y ta bo deber di entrege y page, y banda di Gobierno a bisa no tin ningun problema, y den bo derecho di bay dilanti bo ta bisa cu bo tin añas di retraso, e ta trece problema den sector priva y tur hende tin cu paga esaki.