Ta keda un preocupacion den comunidad den casonan di na Latino America awo cu a habri e mercado aki, di parti di ATA (Aruba Tourism Authority) ta evalua esaki. Directora di ATA, sra. Ronella Croes ta bisa cu manera inicio di crisis ta keda monitorea progreso di diferente pais.
“Nos a desaroya un maneho cu tin rekisitonan basta stricto pa turista cu kier bin Aruba, cu esaki tambe ta brinda e confiansa na tur bishitante pero ora di bay compara Aruba cu otro pais, tin cu ta prefera bay otro caminda cu ta menos stricto”, e ta splica.
E maneho ta delinea manera na unda tin ‘hot zones’, na cua pais el a yega te cierto punto critico. Tambe na persona cu a bishita of ta bin di hot zones, mester haci test ora nan drenta.
Un ehempel cu sra. Croes ta menciona ta e parti cu a dicidi di mantene Peru cu no ta habri prome cu december, mirando cu casonan aki nan e ‘mortality rate’ ta halto. E ora ta habri pa diferente pais cu ta stipula maneho cu Aruba.
Tabatin evaluacion pa tene na cuenta cu Peru pero a bin resalta cu por lo pronto lo mantene cera cu Peru, ta keda pregunta di hende cu kier bay Peru ‘residente di Aruba por biaha Peru’.
E ta bisa cu tin diferente nivel di risico cu ta stroba e desaroyo tambe pa Aruba, mirando cu cu Merca a pone Aruba den nivel 4 sinembargo mayoria di pais na mundo ta riba e nivel ey ‘si nos por domina y manega nos ta progresa den nivel y menos risico cu otro pais’
“Nos ta keda ahusta na unda cu mester, nos ta keda cu e situacion na Aruba ta 100% test cu solamente tin opcion pa test prome cu biaha of test ora cu yega Aruba. Esey ta e parti cardinal di e maneho”, e ta bisa.
Esey ta pa mitiga cualkier risico, mester tene na cuenta cu ora tin crecemento di turismo ta pone cu por importa mas caso. Na luna di november nos a ricibi 30.000 bishitante cu esey ta 36% locual nan a mira na luna di october. Nan ta proyecta cu pa luna di december 45.000 bishitante. Por bisa cu e cantidad di turista cu a yega na Aruba, un 14 turista a registra positivo y ATA ta atende esaki cu socionan encarga.