Un programa financia pa Union Europeo y e defensor principal di empresarionan den e region di Caribe, ta lansa un concurso habri pa tur empresario di pais y teritorionan di ultramar (Overseas Countries and Territories -OCT) cuminsando 1 November 2016, den preparacion pa e proximo Global Entrepreneurship Week di 14 pa 20 November 2016 cu ta tuma luga na British Virgin Islands. Esaki ta un oportunidad unico pa nos empresarionan di Aruba participa den e concurso importante aki.
Global Entrepreneurship Week (GEW) ta sostene 160 pais durante 14-20 di November, 2016 pa inspira y participa den actividad empresarial, mientras ta conecta e empresarionan aki cu colaborador, mentor y inversionistanan potencial.
COSME ta apoya e iniciativa desaroya pa empresa local y anfitrionnan di e Global Entrepreneurship Week Virgin Islands. Barnes PR a desaroya e serie di confesionnan pa yuda empresarionan comparti nan historia, haci mercadeo pa nan empresa y inspira otro empresarionan local. E serie titula, Confesion di un empresario, e aña aki apoya door di COSME ta lansa un concurso cu e mesun tema y ta habri pa tur empresario den e region- OCT, cu ta inclui Aruba.
Ta invita tur empresario di Aruba pa manda un video di 30 seconde di nan mes unda nan ta comparti nan Confesion Empresarial. E Confesion mester ta den e mesun forma cu un elevator pitch. E mester ta interesante, informativo, cla y raspa cu ta permiti otro pa siña di e video di 30 seconde, kiermen e ta inclui un les informativo den e Confesion.
COSME ta buscando empresarionan cu a siña e arte di articula y formula nan mensahe manera un blet skerpi. Talento den comunicacion ta fundamental no solamente ora di busca apoyo y benta, sino den tur aspecto di desaroyo di negoshi. Lo pone tur video cu a manda y cu a keda aproba pa e panel di expertonan di COSME y di e industria riba e red di CaribConnect.net, como tambe riba e website di COSME y social media.
CaribConnect.net ta e business incubator online patrocina door di COSME. Lansa solamente dos luna pasa, ya e tin 300 negoshi registra y 116 business cases. Empresarionan por registra gratis riba CaribConnect.net. Ora di registra ta haya acceso na recursonan manera Business plan templates, match cu mentornan y incluso e posibilidad di financiamento.
Como parti di e iniciativanan di e Siman Global di Entrepreneurship VI, COSME a adopta e Confesionnan di un serie di empresario den su esfuerso pa siña mas y comparti mas historia di empresarionan den e teritorionan di ultramar. Un panel di COSME lo selecciona e cinco miho videonan di Confesionnan y lo publica esaki riba website y social media di COSME y ta habri pa votacion riba 14 di november, cu ta e prome dia di e Siman Global di Entrepreneurship. Publico lo eligi cua di e cinco empresarionan cu a comparti video tin e miho confesion. Votacion ta cera 19 di November 2016 y e ganado eligi door di e publico ta gana un premio.
COSME ta un programa di 54 luna cu e responsabilidad pa distribui 15 miyon di Euro cu ta beneficia proyectonan den e teritorionan di Caribe cu ta participando. Union Europeo a pone e fondonan disponibel y e obhetivo general di e programa ta pa contribui na diversificacion economico sostenibel y resistente na clima y prosperidad di teritorionan di ultramar Caribense mediante mehoracion di competencia di empresanan chikito y mediano (Small and Medium-sized Enterprises – SMEs) di e teritorionan participante.
Pa mas informacion por tuma contacto cu Sr. Samuel K. Kruiner, Private Sector Development Expert/SME Expert (British OCTs),Caribbean OCTs SME (COSME) Programme SME Regional Project Office, Email: [email protected], SME Regional Project Office, Road Town,Tortola, British Virgin Islands, www.cosmeprogramme.net, www.facebook.com/cosmeprogramme