Sr. Ronald Croes Director di Setar NV a splica mas di kico ta e pasonan cu a tuma rapido pa wak kico ta pasando. For di ora cu e asunto aki a bira conoci na Aruba, a tuma tur e pasonan cu un compania lo tuma pa yega mas lihe posibel pa haya un bista di kico a pasa exactamente. Como compania, ta puntra con ta posibel y pakico tin un empleado di Setar ariba e lista. Eynan e trabao a cuminsa, pafo di e compania. Ta trata di un persona cu ta cumpra ekipo pafo di compania y no tin bista ariba dje, cu ken e ta anda despues di trabao, of den weekend. Ta bon pa splica cu den Setar bo no ta wak;e, tur producto cu bin, ta wordo controla y paga.
Pero ki sorto di actividad ta wordo haci cu e suppliernan, esey e director no ta na altura. Ora cu a bay polis, cu mester bin cu prueba con un persona tin un compania na Panama, esey no ta prueba. Esey hopi hende por tin. Pero mester purba saca afo di kico ta papiando, y esey e investigacion ey no ta dje facil ey. Loke ta bay haci, mester haci un investigacion forensico, mester trece experto den tipo di casonan aki. Loke a pasa den e ultimo 12 aña e persona aki kico e tabata haci, tur su filenan ta wordo analisa.
A yega na total na 200 mil file, cu ta wordo analisa y ta purba wak relacionnan , busca compania di pafo, evalua kico nan ta. Y yega na un idea di kico por a pasa. Un biaha mas, e cosnan no a pasa den Setar, pero pafo. A yega asina leu, tin suficiente informacion pa entama e caso na Merca y ta cabando e otro rapport total, pa por bin Aruba pa entrega esey na polis pa cana e caminda mas leu den organisacion. Pero ta bolbe bisa atrobe, segun e director, ta entrega documentonan cu tin base pa wordo analisa. Na final ta start un caso. Setar no tin nada di bisa di e parti ey. Nan ta cumpli cu nan trabao.
A analisa tur relacionnan di e meneer aki. A entrega e rapport pa nan sigui cu nan investigacion. Setar su telefonnan y di e companianan riba e lista, ta telefonnan bon bon. A wordo menciona algo di refurbished, esey ta ora tabata analisando, tabata tin un cantidad di 150 telefon cu tabata refurbished. Y a atende cu esey.
Ken ta tras di e companianan, no tin documentonan oficial mescos cu ta sosode na Aruba, pero segun e director e ta mas compleho si. Lo bay haci screening hopi mas detaya y no solamente screening di e compania, pero tur otro compania rond di dje. E ta bay costa mas, segun Sr. Croes, pero esey ta bay ta e manera di traha awo padilanti. Lo bay mas profundo, di ken ta tras di e compania. Esey no ta garantia, pero por mira, entre compania, mester haci’e cada aña y e doñonan di compania ta cambia masha hopi mes. Nan ta wordo bendi cada rato.
Ta tuma tur e stapnan pa evita cu esaki por bolbe pasa. Riba e pregunta con ta bay recupera e dañonan financiero, ya cu e persona en cuestion no tin e placa ariba su cuenta pa paga bek, Sr. Croes den corto a splica cu e persona aki ta parti di un team. E ta recomenda e producto , ora e haya ofertanan, ta legitimo y ta klop precies, ta wak’e y ta vergelijk e prijs. No tabata tin nada cu por a pone nan pensa cu tabata tin un hende, banda di su trabao diario, cu tabata asina. Esey ta eenmaal e manera di actua, segun Sr. Roland Croes, director di Setar NV.