SANTIAGO DE CHILE, Chile – Husticia Chileno ta investigando e participacion di piromannan den mas di e shen incendionan forestal cu a azota e pais austral.
Despues di a reuni cu e fiscal nacional, Jorge Abbott y e presidente di Corte Suprema, Hugo Dolmestch, e presidente di e pais, Michelle Bachelet, a afirma cu e identificacion y persecucion di e personanan cu a provoca e incendionan forestal ta un prioridad pa e Gobierno.
“Investiga, persigui y aplica tur e rigor di ley na esnan cu ta resulta responsabel di e hechonan repudiabel aki ta un tarea prioritario na e momentonan aki,” e mandatario a precisa, cu el a indica cu tin dies perosna den prizon preentivo pa su presunto participacio den incendio, mientras cu otro sospechosonan ta cumpli otro medidanan cautelar.
El a sigui splica cu e incendionan cu tin su origen den e factor humano por ta intencional of provoca pa actitudnan imprudente, aunke ta necesario aclarea tur e casonan y a sigura cu el a ordena Forsanan Arma y polis desplega den e zonanan afecta pa e catastrofe cu ta realisa “patruyahenan preventivo special” pa incrementa e siguridad.
Fiscal nacional, Jorge Abbott, di su banda, a sigura cu te awor aki no tin prueba cu ta permiti afirma cu e incendionan ta constitui un “atake terorista”, manera cu algun grupo politico a sostene.
Bachelet, di otro banda, a bisa cu awe a lanta e estado di excepcion constitucional di catastrofe den e Region di Valparaiso y cu a wordo reasigna e forsanan militar den e regionnan afecta den zuid.”
Fuente: El Colombiano