Ora un hende wak un dolfijn cerca of e subi tera yama polis of e fundacion paso no por yega tira back den awa paso tin un forma pa yud’e segun Sra. Angiolina Henriquez, presidente di Aruba Marine Mammal Foundation.
Sra. Henriquez a splica cu si e ta dolfijn ta morto, pa no mishi cun’e. Aruba Marine Mammal Foundation ta haci investigacion cu nan, y ta manda sample nan pa laboratorionan afo, pa a grega informacion na nan data base. ‘Tur esey ta pa e meta pa yuda conserva e dolfijnnan.
Si e dolfijn ta bibo, e ta un situacion hopi mas dificil. E cos mas importante ta pa cubri, ya cu nan ta beach na Aruba ya cu nan ta muriendo. E ora tin e opcion di purba na hib’e den awa y ten’e den awa. Tin sistema pa haci esaki. Ta hopi importante pa hendenan getrain pa esaki, haci’e. Prome paso ta pa no yega cerca te ora un representante di e fundacion yega. Den caso cu e dolfijn ta bibo cu e ta bati hopi, e accion mas inmediato ta pa hinke bek den awa. E manera ta pa cu serbete, cu cuater persona carga e dolfijn hib’e den awa caminda cu por para ainda. Mester keda ten’e den awa, y despues di paar di ora nan mes ta landra bay riba nan mesun esfuerso.
Sra. Henriquez a sigui splica cu si nan ta bati hopi y no por haci rescate cu loke ta wordo yama refloating, lo mester carg’e den brasa mes. Cu ayudo di e ola, ta hib’e den awa cu ta mas profundo, caminda no tin oportunidad cu e ta placha su organonan interno ariba e beach.
Tambe Presidente di Aruba Marine Mammal Foundation, Sra. Henriquez a splica pa ora haya un dolfijn, pa no bay carg’e y no rank’e na su rabo paso esey ta su parti peligroso pa e persona mes. E parti mas importante ta pa hink’e bek den awa. Pero preferiblemente, warda ariba representantenan di e fundacion, ya cu asina nan por tuma un decision cual ta e miho paso pa tuma.
Un otro opcion ta pa coy un cup of un boter di awa, tira ariba dje. Of si tin solo, pone un serbete ariba e curpa, pero sea sigur pa no tapa e buraco unda cu e ta hala rosea y tampoco yena e buraco di hala rosea cu awa. Dolfijnnan ta zoogdieren.