Ora di yama 911 ta importante pa duna informacion corecto. Pero loke kier focus ariba dje, ta pa hendenan cuminsa haci algo. Para warda, wak sin haci nada y spera ariba ambulance tin consecuencia pa e pashent. Sr. Liberato Hoek, di Departamento di Ambulance ta splica.
Pa duna un ehempel, Sr. Hoek a splica cu nan a haci un CPR/MOB riba Linear Park. Aki por a ripara cu hende tin miedo di hasta mishi cu’n mannequin. Pero den bida real esaki ta mas spantoso ainda. Y loke a resulta ta cu mucha tin mas durf cu hende grandi. P’esey ta importante pa train muchanan di scolnan basico. No muchanan hopi chikito, pero muchanan di entre 11 pa 15 aña. Muchanan cu tin tiki forsa den nan man.
Na 2017 ambulance tabata tin 52 melding di reanimatie (CPR). Esey ta un average di casi 4 biaha pa luna. Pa e aña aki, ya caba ta na 22 y ainda mita aña no a pasa, cu’n average tambe di 4 pa luna. E ta hopi pa un isla chikito asina. Mester ta mas consciente pa practica CPR na tempo y no warda.
Casi 90% di personanan cu a bay den paro cardiaco, ta fayece door cu nan no a haya CPR na tempo. Hopi casnan cu tin pool, e doñonan no tin conocemento di CPR, si algo pasa, ya cu nunca bo no sa ki ora, kico ta pasa, segun Sr. Liberato Hoek, di Departamento di Ambulance.