Temporada di vakantie ta den porta y e muchanan of hobennan ta nan so na cas, sin supervision di un adulto. Ta importante pa toch keda cu supervision pa e mayor sa kico e mucha ta haciendo na tur momento. Sr. James Sneek di Telefon pa Hubentud ta amplia mas ariba esaki.
Door di situacion financiero y emancipacion di hende muhe, a pone cu tur dos mayor a bay traha. Tanto e hende homber como e hende muhe. Y hopi biaha e yiunan ta nan so na cas. Den temporada di vakantie door cu no tin scol, e ora nan ta nan so na cas. E ta un temporada cu no ta facil, den sentido cu e supervision mester keda. E ta importante pa un mayor sa kico e mucha ta haciendo na tur momento y cu ken. Telefon pa Hubentud semper a kere den e parti di aliado di e mayornan. Como aliado, nan kiermen sostene nan den loke ta educacion di nan yiunan. Esaki ta motibo tameb pakico cu aña pasa, pa medio di diferente Departamento di Recurso Humano, di diferente hotel, a acercanan mayornan pa asina duna nan informacion di e pakico Telefon pa Hubentud t’ey. No kier tuma e rol over como educadornan, pero mas como aliado di e mayornan.
E aña aki Telefon pa Hubentud ta bayendo den diferente barionan. Y esaki ta Telefon pa Hubentud den bario. Nan lo ta partiendo flyer na mayornan y tambe duna informacion na mayornan pa bisa e pakico nan ta e aliado di e mayornan. No ta un temporada facil, ya cu muchanan ta na cas. Pero mester busca un manera pa wak ki actividad tin pa e muchanan den vakantie. E situacion financiero no ta duna espacio pa bay cu vakantie, of pone e muchanan den un camp.
Pero tin algun actividad gratis unda e muchanan por participa. Den barionan tin e MFAnan cu tin anochi di cine, completamente gratis.
Biblioteca Nacional por ta un bon momento pa haci e yiunan miembro di Bibilioteca y asina nan por busca buki pa lesa den vakantie. Na algun MFA tin cu servicio di Biblioteca y si esun di Oranjestad ta mucho leu, por haci uzo di esun di MFA.
Doñonan di trabao tambe por ta un bon momento, pa cuminsa organisa un dia di trabao, pa asina e muchanan por wak kico e mayornan ta haci na trabao. Mirando cu ta den temporada di vakantie, e muchanan ta na cas. Ta un bon momento pa doñonan di trabao, inventa proyectonan asina pa duna e muchanan un bista den kico e mayornan ta haci.
Antes, temporada di vakantie tin hopi mucha y hoben ta bay vakantie cu nan mayornan, y esey ta pone cu e cantidad di yamadanan ta baha. Pero den e ultimo añanan a ripara cu toch den e temporada aki, e yamada ta keda basta stabiel y en berdad, e temanan cu ta wordo yama pe hopi biaha nan ta nan so na cas, e pregunta kico por haci den bario. Dimes ta purba duna un conseho cu ta safe pe y adecuado pa su edad. Y ta wak tambe cu muchanan cu a caba scol basico, ta yama cu preguntanan manera con pa prepara nan mes. No den e parti di enseñansa, pero tambe e parti di peer pressure cu ta presenta. Hende nobo cu nan ta bay conoce. Esey ta tema cu ta bin dilanti den e temporada aki.
Sr. Sneek a finalisa bisando cu ta importante como mayor, pa papia cue yiu over di temanan asina. Nan ta bay conoce hendeann nobo, ya cu nan ta bay scol secundario y peer pressure ta hunga un rol. Pero tambe e ta gewoon peer pressure di hendeann nobo cu bo ta conoce, scol ta nobo, full e ambiente ta nobo. Ta bon pa e mayor prepara e mucha pa e fase aki ta hopi importante.