NEW YORK CITY, New York – Polis di New York a bisa cu ta buscando un homber di 28 aña identifica como Ahmad Khan Rahami en conexion cu e explosion cu a sosode na Manhattan diasabra y a herida 29 hende.
Dialuna, gobernador Andrew Cuomo a bisa cu e bomnan haya e fin di siman aki ta similar, loke ta sugero cu “por tabata tin un vinculo comun.”
Cuomo a bisa cu e investigacion ta habri y cu no ta sorprende “si tur cos ta mustra na un individuo en particular” y “si haya un conexion stranhero den e acto.”
Voceor di Polis di New York a tweet un potret di e sospechoso.
E investigacion ta den curso y tin di compronde cu e hayasgo di dos bom den e ciudad di New York y den dos ciudad di New Jersey, a duna autoridad pista cu ta conduci na personanan concreto cu ta wordo busca cu urgencia.
E anochi di diadomingo, cinco dispositivo explosivo a wordo haya den un tas deposita den sushi na Elizabeth, New Jersey, segun alcalde Chris Bollwage. E tas a wordo haya cerca di un stacion di trein.
FBI a yega na e luga y un robot a samina e dispositivonan y a detona un di nan. Ningun hende a resulta herida durante e explosion, autoridadnan a bisa.
Cuater dispositivo restante lo wordo transferi pa e laboratorio di FBI, na Quantico, Virginia, Bollwage a bisa.
Fuente: CNN en Español