BIRMANIA – Esaki ta un hayasgo unico den su tipo. E rabo di un dinosaurio di 99 miyon di año a wordo haya den un amber, un descubrimento cu a deslumbra e cientifico.
Xing Lida, un paleontologo Chines a haya un specimen di e tamaño di un peach seco, den un mercado di amber nort di Birmania, cerca di e frontera Chines.
E piesa notabel aki tabata destina pa caba como un curiosidd of joya, pues e comerciantenan Birmano a kere cu ta trata di un vragmento atrapa den e amber.
“Mi a haya sa cu e contenido tabata di un vertebrado, probablemente un teropodo, pero no un mata,” Xing a bisa CNN.
“Mi no tabata sigur cu (e comerciante) realmente lo a compronde e importancia cu e specimen aki tabata, pero e no a subi di prijs,” el a añadi.
Un hayasgo unico
E descubrimentonan, cu ta benta un evidencia nobo riba con e dinosaurionan tabata mustra, a wordo publica den e edicion di December di Current Biology.
Ryan McKellar, paleontologo di Royal Saskatchwan Museum di Canada y coautor di e informe, ta bisa cu el a sorprende ora cu Xing a mustr’e e piesa di amber.
“Ta un hayasgo unico den bida, e detayenan mas delicado ta visibel y den tres dimension,” el a añadi.
Fuente: CNN en Español