BOSTON, Massachussets – Un pareha di dokter a wordo haya sin bida den nan penthouse di luho, e fin di siman cu a pasa, na e ciudad di Boston.
E victimanan: Lina Bolaños di 38 aña, anestesiologa pediatrica di Massachusetts Eye and Ear Hospital y instructora di e Scol di Medicina di Harvard y Richard Field, di 49 aña, tambe anestesiologo, specialisa den maneho di dolor. E pareha tabata a punto di casa.
Di acuerdo cu polis, dr. Field a logra manda un texto clamando pa yudo na un amigo parti zuid di Boston. Ora cu esaki a informa polis, nan a acudi na e luga y a haya e dos curpa di e personanan sin bida.
E reporte di polis ta confirma cu e man di e dokternan a wordo mara y cu tabata tin sanger na e murayanan. E asesino tambe a skirbi “un mensahe” cu sanger na muraya, segun People Crime a reporta.
E sospechoso a wordo herida pa polis na e escena di crimen, despues cu el a tira riba e agentenan. Bampumim Teixeira, di 30 aña, a wordo hospitalisa cu lesionnan cu no ta menasa su bida.
Autoridadnan ta spera pa presenta multiple cargo contra Teixeira. Su comparecencia ta premira pa dialuna na Boston. E oficina di fiscal di e districto di e con di Suffolk, a bisa cu Teixeira tin dos condena pa hortamento den su historial.
Aina no sa e motibo di e asesinato ni di e presunto nota skirbi cu esnager, peroo e comisario di polis di Boston, William Evans, ta kere cu e pareha mester a conoce e sospechoso. “Si algun dia e bin y subi na e di 11 di un penthouse, nos tin cu kere cu tabata tin algun tipo di relacion di e uno of di e otro,” Evans a bisa.
“Cu suerte, e tipo aki cu nan a gara, lo ta capas di bisa ken e ta y dicon el a haci’e,” Michael Gibbs, padrino di Bolaños a bisa LA Times. “Esaki ta tur loke nos ta spera, pa haya algun tipo di informacion. Dicon esaki a pasa$
Fuente: La Opinion