SEYCHELLES – Dos ruman muhe Mericano a wordo haya morto sin señal di herida mientras nan tabata di vakantie e luna aki na Seychelles, autoridadnan di dicho nacion di e Oceano Indico a informa.
Administracion di e hotel a haya Robin Korkki di 42 aña y Annie Korkki di 37, inconciente den nan villa dia 22 di September, di acuerdo cu Jean Toussaint, vocero di polis di Seychelles.
“Un saminacion preliminar di nan curpa di parti di polis no a mustra ningun señal di violencia,” Toussaint a bisa.
Autoridad di e archipielago a contacta e embahada Mericano, el a agrega. El a nenga di duna mas informacion, depsues di a cita cuestionnan di privacidad y debi cu tin investigacion tumando su curso.
Yamadanan haci na e embahada di Merca na Seychelles no a wordo respondi.
Fuente: CNN en Español