CANBERRA, Australia- Na principio a informa cu tur e pasaheronan a sobrevivi. Pero poco despues a informa cu tabata haya falta di un pasahero.
Rescatistanan a haya e curpa di un pasahero desapareci di e avion di Air Niuging cu a despista y a caya diabierna ultimo den un laguna di Micronesia, den oceano Pacifico.
Segun Sky News a raporta, e director ehecutivo di e compania, Tahawar Durrani, a comunica cu e curpa di e homber a wordo haya pa buzonan.
Na comienson, Air Niugini a afirma cu 47 pasahero y tripulantenan a wordo rescata exitosamente di e avion cu cay. Sin embargo, diasabra a informa riba e desaparicion di un di su ocupantenan.
E ehecutivo a señala cu e pasahero morto ta un Indonesio y cu e compania aereo ta den contacto cu su famianan pa repatria e curpa.