GLASGOW, Escocia- Julie Reilly, di 47 aña a disparce dia 15 februari ultimo. Durante e ultimo oranan, a drenta informe di cu e muhe a wordo descuartisa, despues di cu’n famia Spaño, cu tabata hospedando den un appartment cu nan tabata huur via Airbnb a haya parti di e curpa di e victima
Tin un persona deteni, un homber di 41 aña, cual su identidad no a wordo revela, despues di e desaparicion di Reilly.
Despues di mas di dos luna di investigacion, e causa a tuma un buelta ora cu a bin haya parti di e curpa den e hardin, di Ardsheil Road, den e capital Escoces.
E ekipo di polis forense local a lanta un tent blauw den un hardin ubica mei mei di dos cas na Drumoyne Drive, un par di caya leu di unda Julie tabata biba, na Shieldhall Road.
Segun Daily Mail, un bisiña a reconoce cu un famia Spaño a haya parti di e curpa algun meter leu di e apartment cu nan tabata huur.
Fuente:INFOBAE